Torneo Copa Noord 2018 a continua diasabra y diadomingo ultimo riba veld di Centro di Bario Noord. Den e di 5 encuentro di Royal Power Tat Fat Home Depot nan ta logra derota Kudawecha Indians cu score di 8-4.
Royal Power a pica ariba 2-0 den promer inning pero imediatamente Kudawecha Indians ta corta ventaha anotando 1 careda. Royal Power ta score den e siguiente inningnan 2 careda pa inning hasiendo e score 8-1. Kudawecha ta menasa 1 mas den di 4 inning y otro 2 careda den 5 inning pa hasi aresca y pone precion hasiendo e wega 8-4 pero no por a remilca mas contra e veterano pitcher Alvaro Barrios kende finalmente ta pone e di 3 victoria di Copa Noord riba su nomber. Lucio Geerman ta bay cas cu e derota ricibiendo relevo di Damian Kelly kende na su turno ta wordo releva Melchor Abreu. Royal Power sinenbargo tabata candela na bate cu 8 careda, 16 hit, 0 error. Kudawecha Indians 4 careda, 7 hit, 0 error.
Mihor bateadornan pa Royal Power a resulta Jomark Flanegin di 4-3 incluyendo dos cuadrangular uno leeuw den deep centerleft y e di dos un tablazo den center right pafor di cura poniendo Jomark Flanegin como e unico cu ta liderando e departamento di homerun cu 5 cuadrangular, Gregory “Pilin” Krosendijk, Edmar”Macho” Tromp, Giandrick Lacle y Franco Wouters tur a bay di 4-2, Juni Faro di 3-2, Nehomar Rasmijn di 2-1. Macho Tromp tambe cu un homerun inside the park. Pa Kudawecha Indians a destaca na plato Jermain Ras di 3-1, Egimar Lampe 3-2, Javier Croes 2-2, Mitchell Castellanos di 3-2. Copa Noord ta continua diasabra y diadomingo awor cu weganan interesante pa clasificasion. Ambiente lo ta na veld di Centro di Bario Noord fin di e siman aki. Yega!!!
