Diabierna 17 di mei lo tin otro Rosario Bibo na kapel di Alto Vista pa 7 or y mey di anochi. Luna di mei ta e luna dedica na Mama Maria.
Nos ta recorda entre otro e prome aparicion na Fatima, Portugal dia 13 di mei 1917. E Birgen cu a aparece na Fatima a pidi e muchanan Lucia, Francisco y Jacintha pa hiba e mensahe pa e hendenan pa nan resa e santo Rosario tur dia paz na mundo y den cada hogar. Pa varios aña caba un comision ta organisa e Rosario Bibo na kapel di Alto Vista y ta conta cu interes di hopi participante tanto adulto como hoben.
Comision ta invita tur hende pa uni den orashon diabierna awo na kapel di Alto Vista pa 7 or y mey di anochi y pidi intercesion di Birgen di Alto Vista pa sigui proteha nos isla, pa felicidad den cada hogar y pa nos hobennan keda libra di tur mal bicio.
