Awe e legendario Roony Boye ta cumpli 56 aña den arte marcial. E Shihan den karate full contact y tambe e motor tras di e deporte di Muay Thai, ta haya felicitacion di tur su alumno- y ex-alumnonan.
Pasion pa arte marcial
Roony Boye ta e persona cu a pone nomber di Aruba den halto den arte marcial representando
Aruba cu honor den exterior. E alumnonan y mayornan di alumnonan ta hopi agradecido na Roony Boye y ta felicit’e pa e sigui hopi aña mas, pasa su experencia na nan. Roony Boye, un gran maestro cu semper a sa y ta busca pa mehora nos atletanan den arte marcial. Pabien OSU.
E alumnonan di Roony Boye ta gracidi DIARIO cu semper a sa di apoya y promociona deporte, entre otro arte marcial cu Roony Boye ta eherce. Roony (OSU) ta un persona cu a carga nomber di Aruba mundialmente. Na Hulanda e ta conoci pa e nomber “de hand van steen” pasobra e ta dal duro cu su mannan.
Roony Boye ta e persona cu a pone arte marcial bek riba pia na Aruba, ora el a bolbe Aruba na 1989. Su pasion pa e deporte a pone cu el a trece bida atrobe den Karate Full Contact y tambe a bin cu Muay Thai.
Roony Boye ta un persona cu ta duna alma y curpa na deporte di arte marcial y a logra haya hopi reconocimento internacional. DIARIO ta felicita Roony Boye cu e logro aki y cu pa hopi aña mas e sigui cu e bunita pasion aki.
