Dialuna anochi gobierno a anuncia 5 caso nobo di Covid-19 y nan ta contacto local. Esaki a pone cu un biaha mas tin medidanan pa tur hende, pero no a cay den bon tera cerca e cantante di Buleria Rodrick “Rocco” Franken, kende a reacciona di a pasa 4 pa 5 luna sin genera entrada.
Algun di e medida ta cu no mag tin samenscholing, solamente 4 hende, bisti mondkapje unda no tin distancia social y otro puntonan mas. Consecuentemente no por tin tocamento y p’esey Franken ta defende tur trahado di e industria directamente of indirectamente afecta pa e medidanan aki.
E ta pensa cu mester siña biba cu Covid-19 y no ta algo cu lo kita di awe pa mañan. E ta pidi pa laga pueblo biba y cuanto mas hende tin di bay sufri. Cuanto mas tin di biba cu e vraagteken ey. Franken a bisa cu e sistema inmuun mester ta bon y no mester worry cu mondkapje y handschoen. Tambe pa hendenan stop di come malo, pa stop di come chips, y junkfood, pero cuminsa come drechi y traha riba e sistema inmuun.
El a dirigi su mes na Prome Minister Evelyn Wever-Croes, unda a bisa di bin cu e reglanan aki no ta solucion. Tin di duna e pueblo e solucion pa bringa e caso. Cu mas regla no ta yuda economia ni nada. Ta laga turista drenta, pero ora cu haya nan resultado cu esaki ta positivo ta laga nan keda.
E situacion aki tin’e cansa, pasobra desde maart e no tin entrada pero te cu awo el a bin genera un tiki placa. Awo cu e ta bay poco poco, ta bin 5 caso local, ta cuminsa cu e fanfaria atrobe, ta pone pensa cu e minister no tabata sa di un second wave.
Esnan cu ta sinti nan mes zwak no mester bay den hende, pasobra ta haci nan mes vulnerabel y famia. Tin di siña biba cu ne y wak pa e inmuun sisteem ta na ordo.
