Dialuna anochi Prome Minister Evelyn Wever Croes a anuncia un aumento di cinco caso nobo di coronavirus. Ta trata di casonan di contagio local. Diamars mainta caba chauffeurnan di autobus a yama un conferencia di prensa den cual nan ta apela na tur usuario di transporte publico pa protege nan mes y otronan uzando un tapa boca (mondkapje).
Ta pidi tur usuario pa tin esaki bisti na momento cu nan subi bus. E ta obligatorio desde awe. E persona na momento cu subi bus, e mester tin e mondkapje bisti. Esaki ta pa proteccion di e usuario mes y otronan.
Chauffeurnan di bus no ta haci negoshi, pero hopi di nan ta core cu un caha di mondkapje. Si tin cliente cu no tin, por haya esaki for di e chauffeur pa 1 florin. E no ta un negoshi pasobra na Chinesnan ta haya esaki pa 2,50 florin.
Mayoria di e busnan ta core sin airco y e uzo di e airco ta depende di cada chauffeur, kende ta doño di nan vehiculo.
Ainda e chauffeurnan ta den problema, pasobra hopi hende no ta haci uzo di transporte publico mas manera antes.
Hopi chauffeur tin material pa haci man limpi y si nan mira cu tin pasahero cu ta mustra malo, nan tin un aparato pa midi nan temperatura.
