Desde e topico di matrimonio di mesun sexo a bin dilanti, tin esunnan cu a vocifera di ta contra esaki y otro si cu kier p’e bin. Den parlamento tin un division riba e tema aki, cual tin parlamentario ta contra.
Ricky Hoek, parlamentario (MEP), a indica cu semper e ta para pa derecho di persona, di tur mucha, di tur hende. “Nos no ta acepta. Naturalmente nos constitucion no ta acepta discriminacion di cualkier forma, na ningun hende, ningun religion, na ningun sexo”, e parlamentario a indica.
El a sigui indica como representante di pueblo ta importante p’e scucha tur e pueblonan. Asina ey por scucha e banda di e personanan cu ta sali p’e matrimonio di mesun sexo, tambe esunnan religioso of no religioso kico ta nan perspectiva di esaki. A base di e informacionnan cu e haya, e lo saca su conclusion y traha analisis. Esey lo bira su voto si yega asina leu momento cu mester vota of trata e topico aki den detaye.
E tema aki mester mir’e den tres perspectiva. E prome ta si mir’e den forma religioso. Tur persona ta biba den un estado di derecho, igualdad y libertad. E personanan religioso a sali vocifera nan pensamento riba matrimonio di mesun sexo y p’esey nan ta haci e accion di firma. Si mira e punto di bista di gobierno, nan ta e instituto cu lo mester bay drenta den casacion si of no.
Pa mas lesa TREMPAN.COM.
