Autoridad tin henter e area cera. A pidi presencia di autoridad concerni como tambe e team di recherche di joyriding na e localidad. Informacion te na e momento aki ta poco, pero locual cu sa, cu ta trata di e vehiculo den caso di asesinato.
A bin topa cu e vehiculo aki laga atras riba e veld cu tin net patras di Misa di Noord. Den careda di 11:30 am polis a presenta y cera henter e area.
E morto di Sergio Maduro di 44 aña di edad tabata e tema principal di e siman aki. Autoridad ta investigando, sperando e tip di oro pa por yega na soluciona e caso. No sa si esaki mes lo ta e caso pero awe mainta a logra localisa e vehiculo cu polis tin lagun dia buscando.
Tur cos ta mustra den direccion di un crimen. Pero mas informacion drenta, mas lihe por pone man riba e asesino, cu ainda ta canando rond manera nad’un pasa.
Mientrastanto a tuma e vehiculo den beslag, departamento concerni a tuma muestra di tur cos posibel y investigacion pronto lo tin cu saca afo kico a tuma luga y si tin un asesino los cu mester logra su detencion mas pronto posibel.
