Departamento di Cultura Aruba a ricibi bishita di rumannan Connor. Y tabata un
momento di reunion interesante y productivo relaciona cu proyectonan di musica di steelpan.
Musica di steelpan ta e herencia cultural den e arte den toca steelpan cu sigur tin mas di siete
decada na Aruba. Pa tanto rumannan Connor y DCA ta importante pa tene esaki bibo.
Lee Connor di e Aruba PanMan Foundation y Nico Connor di Sweet Pan Music hunto cu Paula
Engelen, PR di ambos, nan a splica na drs. Siegfried Dumfries, director di DCA y Stanley Dabian, PR di DCA tocante nan proyectonan educativo pa mantene musica di steelpan bibo tanto bou di nos hoben y adultonan.
Varios ta e proyectonan cu nan tin pa comunidad y di e forma ey duna bek na comunidad nan talento y expertisio den continuacion di e leyenda di nan tata stima d.f.m. Sr. Edgar Connor. Keda pendiente di un proyecto na caminda pa e luna aki. Sr. Dumfries a keda impresiona cu nan proyectonan y a ofrece nan di parti DCA sosten facilitario y caminda lo promove esakinan tambe. E parti di arte y educacion cu ta hopi importante pa nos promove esaki bou di nos hubentud tanto na scol como den barionan.
