Diasabra anochi a tuma luga Festival un Canto pa nos Himno y Bandera, categoria pre-hubenil 10-12 y categoria hubenil 13-17 aña y tin cu bisa cu tur cancion tabata hopi bon representa y cu gran carisma di parti di e participantenan.
Aki ta sigui e ganadonan di e categoria Pre-Hubenil, 10-12 aña.
3er Lugar: Genevan Maduro – “ Manehado di Tempo “
2do Lugar: Asia Libiee – “ No tin dos manera nos “
Ganadora Absoluto Pre-Hubenil Categoria 10-12 Aña: Gismary Linarez – “ Pone bo man ariba nos “
Esaki ta sin laga afo un palabra di felicitacion pa tur e otro pre-hubenilnan.
Ganadornan pa e categoria Hubenil edad 13-17:
3er Lugar: Kayla Villasmil – “ Ban haci e diferencia “
2do Lugar: Zaina Falconi – “ Anos ta crea “
Ganadora Absoluto Hubenil Categoria 13-17 Aña: Jaydiene Croes – “ Mane bo ta “
Palabra di felicitacion ta bay na e otro participantenan kendenan a sa di trece un bunita presentacion.
Awe nochi, lo bay tin e categoria di adulto, cual sigur ta algo di bay mira, mirando cu tin bastante cantante cu ta participando.
Un invitacion ta bay na un y tur pa bin Plaza Betico Croes. E festival ta cuminsa pa 6’or y mey di atardi. Naturalmente tin tent di cuminda, artesania, cos dushi y sin lubida e bar.
Bin aporta na nos cultura, bin apoya bo cantante preferi.