Tin un pashent cu siman pasa a bay haci compras na Superfood y su amiga, hunto cu su casa pa haci compras, ora cu den mas of menos 10 pa 15 minuut den e luga, el a cuminsa sinti malo.
Su curason tabata bati na un manera abnormal y tabata sinti hopi dolor den su pecho. El a bay sinta banda di e restaurant den Superfood, unda tin un banki. Sinta ey nan, banda di casa di mi amiga, un ex polis ta pasa pa bay haci compras, a pasa cuminda e persona, ora cu el a mir’e y a bisa cu e persona ta mustra malo. E ex polis a keda insisti den e supermercado pa nan yama ambulance. E mes a bay na un di e caheranan y a pidi pa nan haci esaki.
E ex polis a bin bek y a bis’e pa e keda trankil, pero e mester bay na SEH, mirando cu e no tabata mustra bon.
E dolor a keda ataca e persona, ora cu casa di e amiga a yama un mucha muhe cu ta traha eynan pa yama un ambulance. E mucha muhe a bay y a bin cu un bin hoben color bruin y flaco, bisti cu bril. E persona aki a haci bida di e pashent imposibel, haciendo tur clase di pregunta, manera cu ta un dokter e tabata. E hoben a reconoce cu e persona ta malo, sinembargo nan no mag di yama ambulance pa ningun hende riba ordo di e doñonan, pasobra aparentemente servicio di ambulance ta manda cobra Superfood.
E pashent a menciona cu e cos aki ta ridiculo. Dado momento e hoben a bis’e cu e ta dispuesto pa yama e ambulance cu su propio celular, pero no mag di bisa cu ta yamando for di Superfood. E pashent, cu tur su dolor a core cun’e y a cana bay pafo. El a sinta riba un banki y e mes a yama 911.
E ta gradici Dios cu el a haya un persona na otro banda di liña. E no sa ken e ta, pero e tin e operador aki den su oracion, pasobra despues di Dios ta su persona y dus e paramediconan di ambulance a scapa su bida, cu e por a conta su odisea cu el a pasa na Superfood.
Ambulance a yega cu sirena y e pashent a lanta for di e banki dunando señal cu e ta e pashent. Una bes cu nan a staciona, nan a bin contra cu e pashent y hink’e den e ambulance pa por a traha cun’e. E pashent ta corda cla con preocupa e paramediconan tabata pa e no move. Mester a haya un solucion pa e batimento di su curason.
Na momento cu nan a yega hospital, e paramediconan a entrega e pashent den man di algun Hulandes profesional, di cual, personalmente, el a bay bek y gradici e dokter na SEH. Nan no por a kere cu e pashent a bin bek y gradici nan.
Loke el a pasa aden dialuna mainta, el a hera bay.
Na consultorio di dokter, ta un otro storia, mirando cu el a sinti cu e no a wordo trata na e manera cu mester ta. El a splica cu fuera di un asistent cu no a trat’e manera mester ta, cual e no a bay den detaye, un otro asisten a prepara tur hende pa ora cu dokter yega, e tin tur cos cla.
Tabata tin un momento, banda di 10’or di mainta riba e dia ey, cu un turista Mericano a cana drenta manera tur otro hende y a bay sinta warda. Despues di 45 minuut, e dokter mes a yega, cual e pashent no a cuestiona, pasobra por tabata tin un emergencia cu e dokter a yega laat, pero loke si e no tabata di acuerdo, cu e dokter, riba cabes di tur otro pashent, a pasa e turista Mericano p’aden. E pashent di nos relato a rabia asina hopi, pasobra el a sinta warda pa mas di dos ora, pa mira uno cu a yega casi 2 ora despues, bay prome.
E pashent a tuma e dokter na malo. Dado moento e asistent cu a trat’e a bin tene su man y a bis’e pa no bay. E pashent a rabia asina tanto, cu e no kier a rasona. E asistent a bis’e cu e Mericano tabata asina malo cu hasta den hospital el a bay para y cu ta un dia prome el a sali.
E pashent ta para ariba cu si e turista a sali coy un taxi y bin dokter, anto e no ta dje malo ey y pa laga pas’e riba tur hende.
E pashent ta haya cu e dokter mester por sa miho. E pashentnan cu ta bin cerca dje, no a bay tienda pa cumpra mangel ni coy bebe. Mester rerspet pa su pashentnan pa asina nan por tin’e como un profesional. E dokter mester traha hende manera hende, vooral hendenan cu ta malo.
