Lo confisca brommer: Polis a bay pone paro na fever y molester di motociclistanan

Polis ta hopi tolerante den e temporada unda tin e celebracion di Dia Nacional cu Himno y Bandera. Asina mes tin basta problema cu varios motociclista cu ta sea bebe y core iresponsabel of otronan cu concientemente sin bebe ta causa peliger den trafico cu nan brommer. Ta mira cu nan ta invita otro via nan chatgroup y asina ta aglomera un caminda.

Eynan ta cuminsa haci fever y trece peliger. Den Sero Colorado tin un area tur marca cu ta confirma e fiesta di Fever cu tin masha tempo caba. E cosnan aki no ta organiza y ta ser haci contra tur clase di seguridad. Un inseguridad total tin. Diadomingo atardi ta avalancha di yamada Polis a haya di e actuacion iresponsabel di varios manehador di brommer den Sero Colorado. Varios unidad di Polis a bay pura pariba . Eynan a blokia e entrada di Sero Colorado. Prome cu esey un grupo grandi di brommer a Sali. Tabata hopi druk tambe cu autonan saliendo den filanan largo. Basta brommer cu ainda a keda den Sero Colorado a pasa control di Polis.

Polis actuando contra corremento irresponsabel riba caya

Posted by 24ora on Sunday, March 17, 2019

Tin cu a logra sali via otro entradanan desviando via camindanan di santo clandestine. Despues di presencia di Polis cos a calma. Despues nan a bay den e area di un bar den Bernhardstraat. Eynan tabata tin aglomeracion y Polis a keda tira bista. E mensahe ta cla y raspa. Coremento lo ser permiti riba caminda. Pero esnan cu comporta nan mes malo lo perde nan brommer y haya multa. Por disfruta e Dia Nacional sin causa peliger riba caminda pa otronan y pa nan mes. Si bo kier keda na pia, anto e ora por djis echa baina riba caya y perde bo brommer.

Comments

comments