Minister di Relacionnan Exterior di Reino Hulandes, Stef Blok, den un carta pa Parlamento di Hulanda (Tweede Kamer), a informa riba e situacion cu tin na Venezuela. Alabes den e carta aki, el a contesta pregunta di Parlamentario Sjoerdsma riba e posibel proceduranan legal contra e nombramento di e Consul-General di Venezuela na Aruba y su eventual envolvimento cu Movimiento Revolucionario Tupamaro (MRT).
Carta di Minister Stef Blok na Parlamento di Hulanda
Minister Blok a comenta den e carta cu e situacion na Venezuela ta trece hopi preocupacion cerca e comunidad internacional.
Riba e ambito economico, social, humanitario y politico, e pais ta keda cay den decadencia. E resultado di eleccion di dia 20 di Mei ultimo, unda cu e Gobierno di Presidente Nicolas Maduro a fortalece su grip pero alabes a perde su legitimidad y apoyo entre e poblacion. E solucion pa e crisis politico, economico y humanitario profundo, parce ta hopi leu.
