Diadomingo anochi tabatin un incidente den bisindario di Centro di Bario Brazil unda cu mester a pidi refuerso policial. Sinembargo e refuerso policial tabata pa personanan cu a yega cerca di e auto para y sin cu nan tabatin nada di haber cu e chauffeur cu a wordo para pa un control.

Esey a sosode net na momento cu e car show cu tabatin a finalisa. Por a compronde for di personanan cu Polis simplemente a para un vehiculo pa control. E chauffeur tabatin tur e documentonan di e Honda Type R den su poder, solamente su rijbewijs a keda den e otro auto. Tur cos tabata canando bon te ora cu algun persona desconoci a yega y a cuminsa altera, hincando man den auto, pa cual Polis a haya nan mes obliga di pidi refuerso. E grupo cu a bin causa e problema en realidad no tabatin nada di haber cu e chauffeur.

A dicidi di pone e chauffeur doño di e auto para pa hiba e auto warda di polis y buske den oranan di mainta, ya cu e momento cu tabata ey bou ya caba nan a trece su rijbewijs cu tabata den e otro vehiculo. Dialuna den oranan di mainta e por a bay busca e vehiculo y a haya prueba di entrega di esaki tambe. Mester bisa cu e Polisnan a atende den un forma tactico cu e situacion, controlando e tension cu dado momento a surgi, evitando cualkier escalacion.

E grupo cu a causa e problema niun momento tabata hunto cu e chauffeur y simplemente a yega eybou cuminsa haci fastioso sin sa cu tabata trata di un simpel control.

Comments

comments