Diadomingo mainta Polis a bay na Zeewijk pasobra tin reda den lama tira y turtuganan pega den reda. Ora cu Polisnan a yega no a topa masha cos na tera.
A keda warda riba hendenan di Turtuga Aruba cu mester a bin duna un man. Na yegada a bay prome den lama canto di awa y saca e reda cu tabata mas cerca.
Eynan a haya pisca y mas bestia di lama pega. Un piscador a ofrece su boto pa esnan di Turtuga Aruba bay mas leu eybanda pa un otro reda. A yega na e reda y ora a saca e reda a topa cu varios turtuga pega. A saca e reda y traha pa libra e turtuganan.
No ta tur turtuga a scapa. Asina mes e personal di turtuga Aruba a purba reanima un di e turtuganan. Ta total di cinco turtuga tabata pega den e reda. Cuater a scapa y uno a muri. Ningun hende por bisa di ken e redanan ta y ki dia a benta esaki.
Mas bien a mira e reda y bati alarma. Polis a hasi anotacion di tur loke a sosode na e sitio. A busca manera di haya veterinario pa asina entrega e turtuga morto.
E otro cuater turtuganan a keda di bentanan bek den lama despues di kita tur liña di pisca for di nan curpa. Polis lo busca drechi di esnan cu a benta e redanan aki den lama y causa daño na e bida marino.
