Velocidad halto a haci cu chauffeur a pega su auto den baranca den Rooi Frances

Diadomingo madruga, algun minuut prome cu 1or, a pone polis na altura di un accidente den Rooi Frances.

E prome patruya na e sitio a topa cu un auto marka Honda, modelo Fit, parcialmente pega riba algun baranca na e famoso lorada pa bay Rooi Taki.

Probablemente velocidad halto a hunga un rol ora e chauffeur tabata yegando e lorada y a perde control cu tur consecuencia di bay dal riba e barancanan y a keda pega tambe.

E chauffeur no tabata herida pero daño material si ta considerabel.