E chauffeur femenino deteni algun dia pasa den Avenida Alo Tromp ta deteni keto bay. E ta cla pa bay KIA como sospechoso den e caso di Hit and Run fatal unda señora Ana Quandus di 82 aña a fayece. Tabata Carnaval anochi cu el a dal e señora ora el a crusa caya. Polisnan a haci un investigacion masha profundo pa por a yega na e sospechoso. A yega na e garage unda a drecha e auto. A logra haya piezanan cu a kita di e auto.
Ta un Tida RHD. Ora a detene e señora tabata un hende cu ta papia spaño. E momento ey tabata comosifuera e no sa di nada. Ora cu a hibe Balashi y interoge a bin saca afo cu e mes ta e sospechoso cu ta responsabel pa e accidente. Hopi hende a kere cu lo no pone man riba dje. Polisnan di trafico a repasa diferente caminda unda e auto a bay.
A calcula e tempo y asina finalmente a yega te caminda cu e auto a para. E trabou pisa haci pa e Departamento di Trafico a duna su fruto. Awor cu tin e declaracion di e sospechoso a bay haci un semi reconstruccion diaranson anochi na e sitio di accidente. A bay cu e auto na e sitio. E sospechoso mes no a bin. Un agente e crusa caya y otro colega a stuur e mesun auto Tida. Asina a saca imagen pa por hinca den e proces verbal. A usa casi mesun orario di e accidente pa por a haci un semi reconstruccion. Djey a hiba e auto bek pariba na Balashi y Polisnan envolvi den e investigacion a keda delibera riba e caso na e sitio.
