Tabata dia 3 di maart cu tres amigo a sali en busca di Pau Martijn. Boyoura Martijn ta pareha di un di e amigonan aki cu ta na Venezuela y ta splica cu nan a bin dilanti di Bestuurskantoor pa dos motibo.
Ta buscando tur manera pa por haya un cita cu prome minister, Evelyn Wever-Croes, pa e por scucha nan tambe. A busca na varios manera. A busca via embahada, via Buitenlandse Zaken entre otro. Den tur manera cu tabata tin a purba. Contesta tabata cu embahada no por a haci mucho y mester a busca abogado, cual nan a haci tambe.
Tin di bisa cu e situacion tabata canando bon, pero aworaki cu tur e caso di coronavirus, nan a keda pega na Venezuela. Nan a keda cu tur luga ta cera, y nan no por sigui traha. Abogadonan ta man mara. Loke ta pasa si, mester manda cen pa nan por come. Eynan si tin cu manda placa pa hende por trece cuminda pa nan tur dia.
Dado momento ta man mara y kier a wak si prome minister, pa medio di esaki, por a scucha nan. Sa cu ta den momentonan hopi fastioso y cu tin un crisis riba nos isla, pero ta haci un apelacion na dje pa scucha nan.
Ta pidiendo un recaudacion di fondo pa asina por sigui paga pa e cuminda cu nan mester come tur dia y pa abogadonan y tur cos cu mester paga eynan.
Number di cuenta na RBC ta 7700000100048917. Nomber ta Stamperson. Rasmijn kier a gradici tur hende cu di un manera of otro a purba y ta purbando pa yuda y tur hende cu a coopera, cualkier florin aworaki ta conta. Tur cos ta conta y ta hopi gradicido na esey.
Lamentablemente no ta suficiente ainda. Mester yega pa por pidi ayudo pa esaki.
Contacto cu e amigonan
E contacto ta bay ora cu tin conexion na Venezuela. Nan tambe aworaki, si nan ta sin coriente, nan no tin conexion, e ora na Aruba tampoco no tin conexion tampoco cu nan. Via abogado rato rato tin comunicacion cu nan.
Abogado na Venezuela
Segun abogado na Venezuela e ta un caso cu ta gana. Segun Rasmijn, e tres amigonan a drenta ilegalmente y accidentalmente na Venezuela. Nan ta bezig ta investigando dicon nan tabata den cercania eynan. Loke tabata tin mester ta un carta di minister cu ta bisa kico tabata e motibo y cu nan tabata tin aprobacion di e minister, cu nan a sali for di Aruba en busca di un persona, cu ta perdi.
Lamentablemente no a haya cooperacion pa esaki. Si a haya cooperacion cu esey riba e prome dia, sigur nan lo ta na Aruba caba. Ta esey ta e investigacion cu ta andando aworaki.
E abogado ta bisa cu nan tin 90% cu nan caso ta cla, pero awor aki cu coronavirus, tur luga ta cera, huesnan no ta traha y tur instancia ta cera. Nan no por sigui cu e caso, pa na por bin bek Aruba.
“Apesar cu nos ta den un situacion di crisis, ban toch aporta sikiera un florin riba e cuenta ya menciona, pa por yuda mantene nos Arubianonan cera na Venezuela, te ora cu nan caso bin dilanti despues di e crisis di coronavirus,” Boyoura Martijn a bisa.
