Durante un conferencia di prensa Misha Raymond di Fraccion di RAIZ den parlamento a duna un splicacion amplio riba e caminda cu e concepto di ley di matrimonio di mesun sexo a pasa aden.
Despues di insistencia di e parlamentario aki, un dia prome cu e conferencia di awe, a haya informacion cu e reunion publico lo tuma luga dia 8 di mei awo.
El a menciona diferente fecha riba cual peticion y recordatorionan a bay pa cu e tema di reunion publico aki, cu tabata uno largo desde cu e concepto tabata cla pa bay den tratamento.
Pa loke ta e fecha, 8 di mei cu ta prome cu e decision di corte di casacion “ta algo cu nos por biba cu ne”.
Si el a bisa cu e procedura cu Presidente di Parlamento a dicidi cu mester encamina ta algo cu nan no a mira antes den parlamento. Si e Presidente di Parlamento kier a bini cu un procedura asina, cu ta nobo, e mester a por lo menos consulta cu e parlamentarionan.
E no por a evita di bisa cu den e caso aki ta papia di derecho di hende pa cual no tabata necesario cu e proceso mester a bay di e forma aki, cu tardansa innecesario. “Nos tin diferencia di opinion, e no ta un tema facil pa atende, pero nos kier pa tur hende honra e proceso cu mester tuma luga.”
E ley di iniciativa aki ta bini di parlamentario Misha Raymond, Miguel Mansur, Marisol Tromp y Aguannette Gunn
