Purina Pro Plan a tene su Nutrition Dinner pa tur veterinario na Aruba

Purina ta contento di tabata tin e honor di tin tur veterinario presente na e Nutrition Dinner di Purina Pro Plan.

Segun Ana Maria Ramirez, brand manager di Purina, tabata tin un invitado special kende ta Renata Silveira, cu ta e veterinario di Purina Internacional cu a bishita Aruba specialmente pa e evento aki y diferente otro evento cu lo tuma luga e siman aki.

Diaranson anochi tabata uno special. Nutricion ta algo hopi importante den bida di nos mascota y pa sigura nan bienestar, Purina Pro Plan ta e lider internacional di loke ta nutricion pa mascota.Specificamente e producto Purina Pro Plan ta crea pa cientificonan recomenta pa veterinarionan rond mundo y nan tabata kier a tene un sesion cu tur veterinario di Aruba, pa comparti case studies, pa tende di nan tambe kico ta e problematica cu ta mira aki na Aruba y con hunto por yuda mascotanan pa hiba un miho bida, pa biba mas largo y di un calidad mas halto.

 

Bista di un veterinario

Dr. Nathaly Booy, veterinario na Animal Care Clinic na Paradera tambe tabata tey na e sesion diaranson anochi. Nan tabata tin un iniciativa hopi bunita, caminda cu nan a invita tur veterinario na Aruba pa asina por a comparti hopi di e ciencia tras di un bon alimentacion pa nos mascotanan.A trece un veterinario di afo, kende ta traha pa Purina, pa asina por duna un miho splicacion riba e importancia di e cuminda y specialmente e biaha aki a enfoca riba Probiotica, cual ta hunga un rol hopi importante den alimentacion di nos mascotanan. Ta algo cu hopi biaha nos no ta realisa, mescos cu hende, ta hopi importante un tripa saludabel, ta un curpa saludabel. Tabata hopi interesante pa comparti cu tur colega veterinarionan na Aruba, tur hende a bin hunto pa asina por a pasa un anochi agradabel. Tambe comparti experiencianan cu tin, diferente malesanan cu ta wak na Aruba y con por mehora e servicio cu ta duna na clientenan y dimes e mascotanan. Dr. Booi a splica cu pa casi 15 of 16 aña na Aruba y e por wak un cambio pa miho pa loke ta servicio pa mascota. Pero falta hopi pa mehora. Hopi cos ta ignorancia, hopi hende no ta para keto realisa, kico ta encera cu bo ta un doño responsabel. Esey ta algo cu ta un desaroyo cu ta tuma su tempo. Pero por bisa si cu e ta haya cu si e compara di e prome biaha cu el a bin Aruba te cu awor aki, e ta mira un mehoracion. E ta wak cu tin mas hende cu ta percura di nan mascota. Ta mas conciente di e cuido necesario. No solamente ora e mascota bira malo, pero tambe pa purba di preveni pa e bira malo.

Ta pensa hopi riba alimentacion. Ta pensa hopi riba e importancia di vacuna, deparasitante, percura pa e no tin carpata of purba. E cuido diario y tambe cu mas y mas tin hopi hende cu ta toch pensa riba e problema cu nos tin na Aruba di e mascotanan riba caya, caminda cu ta mira hopi fundacion y hendenan particular, hendenan den nan bario cu ta mira un cacho of pushi a wordo bandona, cu toch ta tuma nan responsabel, aunke no ta di nan. Tin un cambio positivo. Ainda tin mas di cambia y esey ta algo cu e veterinarionan tin un responsabilidad hopi grandi pa duna educacion, pa asina concientisa hende riba loke ta necesario y e responsbilidad cu tin como un doño di un mascota.

Veterinario di Purina

Renata Silveira ta responsabel pa e area veterinario di Purina y e ta conta cu e idea pa bin Aruba ta e meta principal di Purina. Conocemento mester wordo comparti. E idea di e reunion aki ta pa comparti conocemento y tecnologia riba nutricion. Sa cu nutricion pa cacho y pushi ta hopi importante pa e “life expectancy” y nan salud.

Sa cu tin mester di pensa riba esaki como veterinario, pa asina por tin un bon tratamento y mehora e conexion cu e doño y nan mascota. Ta hopi importante pa tin cuminda cu realmente nan por disfruta come y nan tin tur cos cu nan tin mester. E mester ta balansa y completo. Ta pesey Pro Plan tin tur e tecnologianan. Pesey Purina, lo mira tecnologia pa mehora e nutricion y nan salud. Pesey Purina ta percura bon pa e salud di e mascota.