E persona cu bin shop den Freezone ta haya e producto mas barata. Pero tambe, e ta haya e producto original. E no ta haya imitacion. Esey ta e orguyo actualmente segun e directora Jacqueline Jansen.
Ganashi
5% di e GDP di Corsou mas of menos, ta algo con cu mir’e ta midi. Freezone ta crea empleo. Si mira e tres parkenan aki hunto, ta papia di 1600 empleo directo y indirecto. No ta papia esey tur dia, pero nan cu ta registra tur registracion, ta mira ken ta drenta y sali, sa kico ta come y bebe den e spinoff effecto cu nan conoce.
Bishitantenan di Freezone
A haci propaganda internacional, Republica Dominicana, Haito, Trinidad ta clientenan cu ta bin eynan semper. Diabierna tabata un prueba con ta bay ta. E dos ministernan a papi’e tambe. Tin cu bay wak con den futuro por sigui cu esaki.
Cuanto negoshi tin
Actualmente tin 80 empresa estableci den e Freezone. Aunke el a baha si. Mas of menos 20 empresa no a keda. Sinembargo loke ta importante ta cu ta mira toch cu gran parti a permanece den e zona. Esey ta hopi importante.
Interes pa otro
Tin interes pa otronan drenta. Tin un plan basta agresivo. Entre otro Republica Dominicana, tin algun comerciante cu ta interesa na wak e posibilidadnan cu Corsou por brinda. Ta bezig ta ricibiendo esakinan pa mira cu ta algo cu nan por establece den e zonanan.
Online Shopping
Actualmente nan ta cabando e delaster partinan cu falta. Ta bay lansa nan website online y tin cu bisa, si compara esaki cu otro paisnan den Caribe, por mira e producto via un online system, pero no por cumpra. Lo ta e prome den Caribe cu ta brinda e posibilidad cu bo por mira e producto y tambe haci bo compra online.
