Un invitacion special ta bai pa henter e pueblo di ARUBA y na nos rumannan di Parokia San
Francisco, pa asisti na e nobena na Honor di Spirito Santo.
Invitacion Special pa e Nobena na Honor di Spirito Santo E nobena ta un preparacion pa e fiesta di Pentecoste, cu ta wordo celebra, diadomingo 9 di juni 2019. Celebracion masha importante di nos religion Catolico.
Nobena Diabierna: 31 di mei 2019
Ora: 6:15 P.M.
Lugar: Pro Catedral San Francisco
Don di Sabiduria, pa nos sinti nos bon cu loke ta toca Dios Don di Entendimiento, pa nos, cu fe bibo mira e beyesa importancia di e berdad Cristian Don di Conseho, pa nos sa di busca e mihor medionan pa nos santificacion, perseverancia y salbacion. Don di fortalesa, pa nos por vence tur obstaculo riba e camina di nos Fe. Don di ciencia, pa nos sa di distingui hopi cla entre bon y malo, entre loke ta berdadero y loke ta falso. Don di piedad, pa nos por stima Dios y sirb’Ele semper den nos bida Don di Temor pa Dios, pa semper nos tin debido respet y
veneracion pa mandamentonan di Bo ley Bini Oh Spirito Santo, cu e don di Bo amor-pa esaki ta e motor tras di nos bida spiritual y pa nos stima Bo cu sinceridad.
