Campeonato HEINEKEN fast pitch di Aruba Sofball Bond dedica na dos baluarte Jacobo Jansen y Gilbert “Nando” Maduro a continua riba veld di Dragon Hitters.
Den categoria AA e equipo di Jay’s Tire kendenan ta para solido na segundo puesto a enfrenta un Macuarima Spark Elektra cu hopi hamber pa gana y aki Macuarima a pone un showdown desde promer entrada pa seya un victoria contra Jay’s Tire. 
Macuarima como equipo a bati di 30-14 pa un averahe di 467 mientras Jay’s Tire como equipo a bay di 17-5 pa un averahe di 294. Boxscore final Macuarima Spark elektra 18 careda, 14 hit, 1 error y ta laga 8 coredor na base. Jay’s Tire 5 careda, 5 hit, 5 error y ta laga 3 coredor den circulacion. Macuarima a sali brabo pikiendo 4 careda den promer inning ta amplia esaki cu 6 den di dos, 2 mas den tercer entrada y 6 den cabez di cuater inning. Jay’s Tire a purba reaciona pero sin suerte anotando 1 careda den promer y tercer inning y 3 den bom di 4 inning. 
Mihor bateadornan pa Macuarima ta Jermain Ras di 3-2 cu 2 careda anota y 2 impuha, Javier Croes di 4-2 cu 4 rbi, Jean Pierre Geerman di 4-3 cu 4 careda anota , 2 impuha incluyendo un triple, Ray Bernabela 3-2, Jorrick Briesen 3-2 cu 2 careda anota mas 3 rbi. Pa Jay’s Tire a destaca na plato Nathan Berkel 2-2, Jason Orman 1-1, Artoir Herrera y Jeromin Kelly ambos di 2-1. Juan Chirino ta pone un otro victoria riba su nomber cubriendo 4 inning completo enfrentando 20 bateador tirando 28 bola, 46 strike pa un total di 74 pitch, permitiendo 5 careda di cual 2 ta limpi mas 5 hit regalando 2 base por bola y ta propina 6 strike out.
E hoben Gerald Maduro ta habri pero ta accidenta cu un lansamento cu ta dal e y ta bandona wega lagando e wega 4-0 den promer inning y ta wordo releva pa Giancarlo Gomez kende ta lansa 46 pitch permitiendo 6 careda, 5 hit y ta regala 1 base por bola enfrentando 13 bateador. Jorge Santana ta drenta releva 1 inning y 2 tercio y ta permiti 2 careda limpi mientras Andresito Maduro ta tira 1 inning, 1 bola, 13 strike enfrentando 10 bateador permitiendo 6 careda limpi mas 6 hit. Asina Macuarima Spark Elektra a derota Jay’s Tire den nan promer encuentro den promer buelta. Diamars anochi tin 2 wega interesante na Dragon Hitters cu un bar y cushina bon surti. Sofball fast pitch a la carga!!!
