Hulanda mester prepara pa un setback economico duro. Su Mahestad Rey Willem-Alexander a bisa esey den su discurso awe riba Prinsjesdag.
Con pisa e setback economico ta, segun e Rey, lo depende di e duracion y medidanan cu Coronavirus ta sigui mantene na mundo. E Rey a gradici y ta admira tur hende cu ta traha den cuido y otro parti di sociedad, cu ta haci tur cos pa enfrenta crisis di Coronavirus.
Durante e prinsjes dag, Rey Willem-Alexander a papia riba e retonan cu Reino Hulandes ta pasando den y di tuma responsabilidad. Hulanda ta keda duna asistencia na regionnan afecta. Por ehempel ta discutiendo ki tipo di sosten e islanan di Reino Hulandes cu ta afecta severamente mester di dje. Meta ta pa apoya e pueblo, contribui na siguridad economico y stabilidad social. Semper e yudansa humanitario ta disponibel. “Coronavirus a afecta nos tur”, asina SM Rey Willem-Alexander a bisa. Di Terschelling te Aruba, hoben y bieu. Personanan cu limitacion ta hay’e mas dificil cu otro. Corona ta afecta nos na scol y trabou.
Riba Prinsjesdag den su funcion como hefe di estado, den nomber di Gobierno Hulandes, Rey Willem-Alexander ta presenta e discurso den Parlamento Hulandes riba plannan di Gobierno den e aña parlamentario nobo. E ta haci esaki sinta riba su trono, unda cu gobierno ta discribi con ta bayendo cu Hulanda y di e plannan principal p’e siguiente aña.
