Colombia ta e di seis pais di mundo cu mas hopi caso di COVID-19

1986

Den e ultimo 24 ora a registra 143.808 caso nobo den e pandemia di Coronavirus, e cifra mas abou desde 26 di juni. E total a surpasa 29 miyon di persona contagia y mas di 924.000 victima mortal.

Mundialmente 29.528.057 persona a haya e virus, pero mas cu  mita ta di e tres paisnan mas afecta; Merca, India y Brasil. E cantidad cu a fayece ta 934.230. Un total di 21.349.378 persona a recupera di COVID-19, un enfermedad respiratorio provoca p’e virus.

E pais mundial mas afecta den e pandemia aki ta Merca cu mas di 6.7 miyon persona contagia y mas di 199 mil fayecido. India ta na di dos luga cu mas di 4.9 miyon di contagio y mas di 81.000 morto. Brasil ta di tres pais mas afecta cu mas of menos 4.349.544 di contagio y mas di 132.000 fayecido.

Colombia ta e di seis pais mas afecta p’e pandemia. E cantidad di contagio ta mas di 721.000, cual tin mas di 23.000 fayecido. Desde 18 di maart, e prome dia di contagio te cu awo mas di 606.800 persona a recupera, pero ainda tin 91.844 caso activo.