Casi 1300 peticion nobo pa bijstand

1385

Durante e conferencia di prensa di Departamento di Asuntonan Social (DAS) a papia riba e procedura cu famianan mester pasa aden pa haya bijstand, cu ta diferente cu FASE.

Desde cu e crisis di coronavirus, a constata cu tin casi 1000 peticion nobo pa bijstand. Y hustamente den cuadro di e situacion existente na Aruba, a haci un “versoepeling” di e procedura di bijstand, cu ta un ayudo temporal. Esaki ta nifica cu no ta exigi pa ta inscribi na DPL y no mester pasa den e parti di examen medico di Medwork. E ayudo special di bijstand pa e temporada aki ta valido te cu december y despues probablemente e exigencianan ta cambia.

A splica cu bijstand ta un ayudo financiero temporal cu ta duna na famia, na momento cu ta pasa den un situacion financiero dificil den bida. Pa esaki mester haci un peticion. E persona, normalmente mester ta inscribi na DPL (si e ta bon di salud). Ta tene cuenta cu cada entrada di famia den e cas. Pa haya bijstand mester ta naci na Aruba y mester tin nacionalidad Hulandes.  Of si a haya nacionalidad Hulandes, mester ta inscribi pa 3 aña consecutivo na Aruba (na Censo). Tin algun excepcion.

DAS: Procedura di peticion pa yega na remarca pa bijstand

Posted by 24ora on Tuesday, September 15, 2020

Tur esaki Joceline Soto Garcia Kelly, relacionista publico di DAS a trece dilanti den un conferencia di prensa.

No ta conoci e fecha exacto ainda, pero pronto por haci e peticion pa bijstand online. Ta yena e formulario digitalmente (www.das.aw) y mand’e bek pa DAS. Tentantivamente esey ta programa pa luna di october. Awo ainda mester acudi na e oficina na ex Lagoenweg, busca e formulario cu mester yena na cas y despues entregue bek na DAS. Te cu 9 di september a haya 1300 peticion nobo (den 7 luna di tempo).

Segun Rudy Wester, chef interino di seccion di Bijstand, a enfatisa cu tur persona cu ta menor di 17 aña no ta obliga pa ta inscribi na DPL, tampoco esnan den rehabilitacion, y personanan cu tin un of otro limitacion cu no por traha. E bijstand pa e cabes di cas ta 450 florin y pa cada miembro di famia ta 200 florin. Pa cada miembro di famia cu ta bay scol ta duna 250 florin pa luna. Tin compensacion adicional manera pa esnan cu mester sigui un dieta specifico.

E cantidad di personanan registra na februari di a ricibi bijstand tabata 2472 persona y a sigui subi. Den e pago haci na september un total di 2874 persona a haya bijstand. Mayoria di esnan cu a bini awo ta cu a perde trabou door di coronavirus. Esnan cu haya FASE no ta bin na remarca pa bijstand. Ta haci un screening y tin contacto cu e instancianan concerni.