Despues di algo mas cu 2 aña di gobernacion MEP-POR-RED, riba tereno economico, ainda un pregunta hustifica ta: Unda e Gobierno aki kier hiba nos pais economicamente? Kico ta meta final di e gobernacion aki? Y ta hustamente e falta di un maneho cla y falta di un man firme ta laga hopi duda….Unda?? Den cua direccion nos isla ta bay?, esaki ta preguntanan cu Benny Nisbet, lider di partido PPA a lansa awe riba su pagina di Facebook.
Keto bay nos isla ta biba, come y progresa basa riba e vision di Juan E. Yrausquin (PPA) qepd, tur desaroyo educacional, social y e poco economico ta concentra rond di e vision di Juan E Irausquin (PPA) cu ta un vision di aña 1949, ehecuta for di 1955 tanto ‘stayover tourism’ como ‘cruise-tourism’ cu a inicia bou di PPA!
Awo na 2020, Aruba ta den un situacion di un crisis financiero cu un MEGADEBE causa pa AVP. E nota di maneho economico presenta pa MinFEC un aña y mey despues cu e gobierno a sinta ta señala 6 tereno pero no ta indica of fiha concretamente kico e vision mayor di e gobierno aki realmente ta……Unda kier hiba Aruba??
Y esaki ta un di e erornan mas grandi di e gobierno aki, segun Benny Nisbet di PPA. Keto bay bou presion Hulandes ta sinta dedica hopi tempo con pa aplica MAS Y MAS MEDIDA camufla pa pueblo no realisa cu kizas ta yuda yena caha di gobierno pero ta saca, ta laga saco di ‘Buchi Juan y Shi Maria’ bashi di tal forma cu nan, esta pueblo NO por biba un bida di calidad!
PPA ta keda ripiti: Soluccion pa e crisis financiero NO ta sinta den mas medida pero den un maneho economico dinamico. Pa logra esaki un vision unda realmente kier hiba nos pueblo ta hopi necesario y un maneho cla cu ta hibando e pueblo economicamente den e direccion aki falta, segun Nisbet.
E duda rond di e ex-refineria no ta contribui na esaki tampoco. E falta di un Plan B si mester laga e refineria bay ta un hecho. Un di dos y di tres posibel pilar mester bira evidente en bes di señala solamente 6 posibel tereno den cual un ya caba ta e unico pilar cu nos tin, esta Turismo.
Pero kico mas y cu cual meta: Unda nos kier hiba nos pueblo? Con nos por ofrece nos hobennan un diversificacion di oportunidad? PPA ta señala esaki pa mas hende lanta for di soño, Aruba ta perdiendo tempo hopi valioso mester actua!
