Diadomingo algo prome cu 6or di atardi bisiñanan den caya Guadeloupe a bati alarma na polis. Un mucha di apenas 8 aña tabata sera su so den cas. Na yegada di polis a constata cu e mucha a keda cas su so di basta rato caba. Informacion cu polis a haya cerca e bisiñanan atento tabata cu esaki no ta prome bez e mucha ta keda cas su so. E mucha tabata tin hamber y e agente policial a tene trankilo y a splike cu nan lo yude sali di cas. Brandweer a yega un rato despues pa asina corta e hero paden di camber pa asina e mucha por a sali for di cas. E mucha tabata basta spanta y emociona y kier a core bay cerca bisiña pero polis a trankilize. A bise cu tur cos lo sali bon. Nan a bay cune warda unda su mama mester bay duna cuenta paso aki ta papia claramente di negligencia di mucha den forma increible.
