Un yiu homber cu a discuti cu su tata a rabia bay pafo y herida su mes ora a manda mokete den glas di su auto. Polis a bay bay na Primavera y prome informe tabata cu un homber a bin arma cu cuchio pa busca yiu na e cas. E prome informe no tabata corecto. Polisnan cu a yega na e adres a topa cu un homber herida. Segun e tata doño di cas, e yiu y su muhe tabata bon pleita. Den cas tin otro hende cu mester sosega pa bay traha. E tata a bay reclama e yiu riba e pleitamento di dje cu su pareha. E yiu a reacciona negativo riba e tata. E tata a bisa e yiu, cu den su cas ningun yiu ta lanta voz. Y si ta asina e bay for di cas. Aki yiu a rabia y bay afo herida su mes. Mas bien e tata tabata desea pa e pareha di su yiu homber baha man cu pleitamento y grito den cas. A rabia y cos a caba na malo. Ambulance a presenta pa atende cu e corta na man.
