Diahuebs, den oranan di atardi, polis a wordo pidi den e zona di Bushiri, den e cayanan di Soeur, pa un persona cu ta bendiendo perfume den un V-wagen.
E tabata cas pa cas ta bende perfume. Bisiñanan atento a yama autoridad. Polis di Playa a bay na e sitio. Na momento cu nan a yega, nan no a topa cu e auto, pero tiki mas panort, den Pos Abao, algun caya despues, a topa cu un V-wagen Chevrolet Aveo, color shinishi, manera testigonan a bisa.
Polis a para e auto y na momento cu nan a bay haci control, a resulta cu berdad e persona aki no ta local y no por a prueba tampoco un permiso cu e por bende cosnan asina aki riba caya. E tabata pasa cas pa cas y e hendenan tabata masha atento mes riba diferente movecionnan straño den bario. Mirando esey, polis a bay over na detencion.
A pidi tambe pa transportwagen. Na yegada di transportwagen a bay cun’e warda. Na warda nan lo sigui mas leu pa wak kico precisamente ta su status riba nos isla y e benta tambe den cierto barionan pa loke ta perfume, etc., cu a pone tambe cu su movecionnan sospechoso, hendenan cu no conoce y no a mir’e, a bati alarma mesora. Polis a bin y topa cun’e tambe.
