Diahuebs atardi, polis a ricibi informacion cu un auto lo a bolter riba Sasakiweg, p’anort di Superfood. Pero na momento cu polis a yega na e sitio, aparentemente esey no tabata e caso.
E Nissan Note tabata biniendo riba e caminda direccion Playa, pa un of otro motibo el a perde control, kita na man drechi, pasa over di e berm y bay cay riba e otro banda di caminda. Aki claramente velocidad halto a hunga un rol. Danki Dios no tabata tin otro auto tabata bin.
Segun e chauffeur, el a bay desvia pa un auto, pero por mira obviamente ta velocidad hopi halto a causa e accidente aki. E chauffeur a keda levemente herida. Ambulance tambe a presenta pa asina trata e chauffeur na e sitio mes. No tabata necesario pa a hib’e hospital. Daño material tabata considerabel.
