Polis ta adverti: 0 tolerancia cu brommernan e weekend aki!

2312

Si no tabata pa Coronavirus, e fin di siman aki lo mester a tuma luga eventonan di brommer na Palo Marga. E compania D-22 a organisa un evento grandi, a inverti un suma cuantioso den organisa e show di drift, den cual ta participa motorcyclenan di Aruba mes, pero tambe di Corsou, Boneiro y otro paisnan invita. Tur a yega Aruba caba via carga, pero a bin topa cu e realidad cu Gobierno a para tur evento publico te cu fin di e luna aki. Awor ta parce cu nan a dicidi di sigui cu e shownan aki riba caya mes, aunke no organisa pa ningun hende, sino pa e motociclistanan individualmente mes.

Pa mas o menos 8:00pm a manda varios patruya di Polis na altura di D-22 riba Watty Vos Boulevard cerca di Aruwood. Ey enberdad a topa cu un aglomeracion di motorcyclenan cu tabata drift y haci desordo, causando molester pa henter e bario di Dakota, Morgenster y vecindario. Durante e control a topa cu dos brommer di Aruba, sin number, sin seguro, y sin ningun otro documento necesario pa por ta riba caminda. A kita ambos vehiculo y a duna multa na e motociclistanan envolvi.

Polis no ta tolera molester cu brommer: Ordo pa confisca tur vehiculo cu bira peliger

Posted by 24ora on Saturday, March 14, 2020

Polis a probecha mesora pa avisa e motociclistanan cu a bin ordo di Fiscal di Ministerio Publico pa kita tur vehiculo, sea ta auto, motorcycle, ATv of UTV cu no ta tene nan mes na reglanan di trafico, of ta organisa drifting ilegal of ta pusta riba caminda publico of ta haci zonido duro pa stroba e paz di e comunidad aki. Husticia ta compronde cu hopi brommer a bin di afo pa celebra “Dia di Himno y Bandera” diaranson awo, pero e realidad ta cu pa rasonnan di Orden Publico a cancela tur evento y esey ta conta pa nan tambe!

Polis cu control pisa riba brommernan na Linear Park

Posted by 24ora on Saturday, March 14, 2020

Polis a purba convence e motociclistanan pa miho nan warda nan motorcycle of bay na un otro luga trankil pero pa no sigui molestia riba caminda publico. De lo contrario, lo confisca e vehiculonan y hiba nan na Warda di Polis di Santa Cruz, unda ya a traha caminda pa nan warda nan caba den beslag. Den caso cu esey sosode, por conta riba multanan halto prome cu opta pa laga e vehiculo bay. Aunke algun a mustra comprension, otronan a sigura Polis cu nan lo no keda sin keiro y drift pasobra pesey nan a bin Aruba.

Comments

comments