Diasabra marduga, pa mas of menos 3’or ora cu a pidi polis pa yega cu urgencia na e conocido Lekker Bar & Restaurant, pa asina intermedia den un pelea.
E pelea tabata asina formal cu esaki a bay para hasta den cushina y tabata tin papia cu hasta lo a plama boter riba cabes di un hende. Varios patruya a presenta y pa banda di 4’or y mey di marduga ainda por a mira algun patruya para den e parkinglot di e luga. Apesar cu e luga a cera su portanan, ainda por a mira polis presente pa asina tene tur cos bao di control y percura pa tur hende sali, subi nan auto y bay direccion di nan cas den un forma trankil
