A tuma nota cu tin cierto keho of preocupacion relaciona cu e railsnan riba Green Corridor. Alex Pieters ta di e departamento di polisnan motorisa y e ta conta cu nan mes, como departamento motorisa y dado momento tin hopi cos den trafico den e infrastructura, cu continuamente ta keda cambia. Nunca trafico ta keda para. Cada dos pa tres aña tin cambio den tecnologia, tipo di asfaltnan nobo, e manera con bo ta construi aceranan. Dado momento mester ta up to date cu e cambionan aki pa haci nos infrastructura, no solamente bon pa maneha riba dje y mobil, pero tambe sigur pa e vehiculonan. Mester pone atencion riba cierto cosnan.
A menciona vangrail, pero tambe por mira barancanan canto di caminda. Tin cierto cosnan cu nos no por laga banda di caminda, cu por causa peliger ora di accidente. Cu e vangrail, e asunto ta cu e modelo di e vangrail a cambia. E material a bira un otro tipo cu si un algo bay dal den dje, e no ta fuerte manera esunnan bieu, pero ta traha di tal forma pa e absorba e sla. E ta dobla mee pa catch e vehiculo cu drenta. Door cu a hisa e haltura di e vangrail, esaki ta pa proteha pa e auto no bolter pasa over. Nan a hisa e haltura, pero esaki a bin cu e consecuencianan cu abao, cu e stacanan ta un habri basta grandi cu cualkier brommer of un persona su curpa por schuif bay bao di e vangrail. Esaki a ripara caba den investigacionnan cu a wordo haci na Merca y Europa. Bo por haya riba Youtube y Google, cu por mira curpanan cu a pasa abo di e vangrail, ta wordo corta na pida pida door di e stacanan cu ta eybao. Pianan cu ta wordo corta afo, brasanan. Pa nos coredornan di motocicleta, e vangrail cu a wordo hisa, juist ta causa un peliger mas grandi. Esaki tin cu tene cuenta cun’e. Eigenlijk e solucion pa esaki ta, ta hopi facil, segun Pieters. Mescos ariba tin un plachi di hero pa por catch e vehiculo, si pone un otro plachi di hero of aluminium mas abao, pa tapa cu nada no schuif bao di dje, ya ta proteha y pone cu si pasa un accidente cu un brommer, bicicleta of quad riba velocidad, cu e no por schuif bay bao di esaki cu e riesgo cu partinan di su curpa ta wordo corta afo. Si bo ta canando, e no ta mucho peculiar, pero si bo ta bin riba un velocidad di mas cu 30 pa 40 kilometer pa ora, e por kibra bo wesonan masha facil y mas duro y tin mas chens e ora cu e ta corta pida di bo curpa kita afo.
Preocupacion
Pieters a comenta cu nan a constata esaki prome y despues a haya comentario di e otro clubnan di motorcycle tambe. Locual a haci e ora, e prome parti di Green Corridor cu a keda cla cu e vangrailnan aki a wordo poni, a traha e ora un carta di conseho (advies) y mande pa e director di DOW. A compronde cu e parti aki tur locual cu ta riba e Green Corridor ta cay hopi riba e contractnan cu a wordo haci cu e compania cu tin e responsabilidad pa e Green Corridor. A percura pa manda e carta na Ingles di conseho cu a bay DOW y tambe manda adhunto pa e compania cu ta responsabel pa esaki. Awor aki ta wardando e contesta. Esaki ta un di nan y asina ora cu val op, ta importante pa polis, pueblo y DOW tambe DTI, si constata cosnan asina den nos trafico cu por bira un peliger pa otro hende of cosnan cu ta cambia cu tempo, mester ta asina flexibel cu por adapta y cambia esaki pa keda cu e maximo siguridad den trafico.
