E homber Frencel Wawoe ta un estafador profesional. Ta organisa evento pa celebridad bou capa di un fundacion.
Na Aruba el a hit basta hende y/of empresa. Segun por a compronde cu tin denuncia haci contra dje. Ta varios hende el a perhudica cu su estafa di organisa evento pa duna reconocemento na un of otro personalidad/ celebridad popular riba nos isla.
Su careda a caba diahuebs atardi. Por a tuma nota di diferente patruya den area di Santa Cruz y aki ta caminda cu polis a yega, blokia su auto di huur cu e tabata stuur y baha riba dje.
E accion policial aki a tuma luga na e pomp di gasolin, caminda cu a topa cu e auto y Frencel Wawoe na stuur. Recherche tambe a presenta na sitio. Nan a pidi pa e transporte policial, cu a bay cu ne warda pa sigui cu e proceso di interogacion.
Probablemente pa locual el a comete, e tin di bay ta pasa mas bien un proceso di interogacion pa despues duna cuenta dilanti hues.
