Varios yamada polis a haya dialuna di automobilistanan poco rabia. Nan tabata pasa banda di Arashi y net na e birada pa bay Arashi for di un cas tabata manda awa riba cada vehiculo cu pasa.
Ta un cas na e skina cu pool pa caminda. Turistanan a huur e cas y pa nan tabata pret pa muha e autonan y den algun caso hendenan den e auto.
Polis a yega y atende cu e turistanan. A pone un fin na nan pret. A splica nan cu nan por
disfruta cuanto cu nan kier den pool. Pero asina cu nan cuminsa bira un molester pa esnan pafo di e cura, e ta bira un problema.
E mensahe di polis batata cla y raspa y nan a compronde. Pa colmo no ta prome biaha cu mesun tipo di wega asina ta tuma luga for di mesun cas. Hasta adulto a yega di haci e tipo di cosnan asina.
