Riba Dia di Himno y Bandera Fundacion Rancho tabata bezig activo cu e herencia cultural intangibel cu ta e carera di boto miniatura. Den e carera di boto miniatura a registra mas di binti boto, pero a mira menos inscripcion cu normal.
Clifford Rosa, presidente Fundacion Rancho, a indica cu e fundacion ta bay cumpli diescuater aña na april. Desde cu a funda e fundacion aki, nan ta purba di mantene e tradicion aki tanto p’e traspaso di conocemento. Un biaha mas por a mira tata cu yiu, welo cu nieto, tur cu ta yega como famia. Pero un cos ta pa nan siña con pa core y hunga boto.
Hungamento di boto a bira un competencia. E prome cos ta hunga boto. Dialuna e biento tabata fuerte y si no por drecha of pone e boto, dificilmente ta pasa memey di e boeinan (buoy).
Rosa a indica cu esey ta loke ta haci e tradicion aki unico, y ta gradici tur capitan cu a registra p’e evento aki.
E biaha aki nan a haya inscripcion di menos participacion cu normal, pero e fundacion ta contento di por a haci e caredanan. Den categoria 30 nan tabatin shete boto, den categoria 35 a inscribi ocho pa nuebe boto, y shete pa ocho boto den categoria 40.
