Den oranan di diabierna merdia Polisnan a bay atende cu molester di hobennan riba biicicleta den area di scolnan riba klip. Banda di Mon Plaisir mes a topa cu hobennan riba bicicleta y a core cu nan. Ta hobennan cu ta bin topa cu otro studiante di Mon Plaisir. Polisnan a core cu nan pero a lora bek topa cu nan ta core den verboden.
Awendia ta masha hopi hende ta core den verboden cu bicicleta pa corta caminda. Hopi aña atras polis tabata actua contra bicicleta cu ta core den verboden. Awendia a tolera esaki hopi. Sinembargo e cantidad di hoben riba bicicleta causando molester a bira hopi. Den e caso specifico aki no por bisa cu esey tabata e caso. Ora Polis a topa cu nan bek bandonando e area den verboden a stop nan y kita bicicleta. Ambos hoben a keda na pia.
A busca pickup di Polis pa hiba e bicicletanan warda. Djey a keda di regla pa asina nan bin busca esaki bek. Dimes e hobennan no a keda contento. Despues a topa otro hoben mas den cercania y e tambe Polis a atende cune den e accion contra hobennan riba bicicleta.
