Despues cu Gobierno a anuncia di e medidanan relaciona cu e situacion di coronavirus na Aruba, varios instancia, entre otro Warda nos Costa tambe a bin cu un maneho nobo. Esaki ta specialmente pa e bishitantenan di esnan cu ta encarcela, nan no por haya ningun bishita te cu proximo aviso.
Tambe, tur esnan cu mester firma diariamente of tres biaha pa siman, lo cambia pa un biaha pa siman riba diamars pa 10’or di mainta .
Ya caba diasabra mainta tempran por a mira varios persona bin pa asina sea firma of pa bishita un conoci of familiar na Warda nos Costa, a bin topa cu un aviso poni na heki di e luga. Esaki sigur, mescos cu e demas servicionan rond Aruba, ta bay causa algun molester, pero pa siguridad di no solamente e bishitantenan, sino tambe di esnan cu ta labora na Warda nos Costa como tambe e detenidonan, mester a aplica e medida aki.
