Diabierna atardi, pa mas of menos 3’or y 50, polis a duna seña. na un Suzuki Vitara color blanco pa e para, na altura di Mahuma pa tene un control, mirando cu e no tabata tin number di auto riba su parti dilanti.
Durante trahamento di un proces verbaal, holo fuerte di marihuana a dal polis, cu a haci cu nan a bay controla esaki. Den e parti patras di e auto riba e sienta, polis a bon haya un etui color blauw y den dje a haya un caha di metal cu 5 sakito di plastic y den dje marihuana.
Tambe nan a haya un vape color shinishi, un pochi di glas chikito cu hashish den dje, un pochi di glas cu resto di marihuana, un mita sigaria di marihana y un grinder color cora.
Den cuadro di esaki polis a detene e chauffeur di inicial A pa 3’or y 55 di atardi. Cu transportwagen a transport’e pa warda di Santa Cruz, unda cu el a presenta dilanti di fiscal auxiliar pa despues wordo encarcela pa mas investigacion y interogacion.
