Ayera nochi despues di 9:00 pm a activa un patruya di polis pa stroba un wega di webo na Brazil. Esaki tabata tumando luga net poco pabou di ex Boyoura Bar na Brazil. Ey un grupo di hoben di e area tabata tira webo riba diferente auto cu pasa.
Dos unidad policial a presenta den e area p’asina start un buskeda. A busca e tiradonan di webo den e rooi, pero no a topa cu ningun. Tambe a busca banda di e supermercado y hasta den cura di un cas eybanda pero na final polis a topa solamente cu casca di webo gespat riba caminda.
