World Series 2020 tabla na 1-1 cu victoria di Tampa Bay Rays

Los Angeles Dodger y Tampa Bay Rays a topa otro den e di dos wega di World Series 2020 y awo e serie ta tabla na 1. E prome anochi Los Angeles Dodgers a bay cu e victoria di 8-3, pero e di dos anochi Tampa Bay Rays a responde bek y bay cu e victoria di 6-4. E di tres wega lo tuma luga diabierna pa 8:00PM.

E wega di diaranson anochi tabata e di 49 wega di postseason y a dura mas di 3 ora. Brandon Lowe a conecta dos homerun pa yuda Tampa Bay Rays bay cu e victoria. Den e prome inning Lowe a dal su prome homerun, pero Chris Taylor di Los Angeles Dodgers tambe a dal un homerun y na mes momento a pusha un careda.

Despues di tres ora Tampa Bay Rays a logra bay cu e victoria pa tabla e series. E wega lo continua diabierna, diasabra y diadomingo, unda cu ambos team ta enbuskeda pa bay cu e titulo maximo di World Series. Aworaki e wega ta best of five. Cu e victoria aki Tampa Bay Rays ta na 32-7 cu un procentahe di .821 gana.