Diahuebs anochi alrededor di 9:45 pm polis a duna un auto señal pa para pero a nenga esaki. A cuminsa persigui e auto y cu na final a termina cu detencion. E auto ta marca Nissan modelo March numera A-68907.
Na e crusada di Avenida Alo Tromp y Emmastraat e auto a accidenta den un palo di luz. El a sali na pia bay direccion Alo Tromp pero polis a chang’e y deten’e mesora. Sinembargo e detencion no a bay facil, mester a carg’e hinc’e den un transporte policial. E detencion a bay estilo pelicula, a boei no solamente su mannan pero tambe su pianan.
Den e proceso di persecucion na pia y detencion, su carson a disparce. Pues den jockey a hib’e pa warda di polis. Na warda di polis un subfiscal a atende cu ne pa sea su encarcelacion of libertad. Polis di tur districto a presenta. Un persecucion no unicamente largo pero cu bon resultado. Segun informacion hasta un aut’i polis a ricibi daño. Polis di trafico a presenta pa atende cu e accidente y na final a takel e March hib’e warda di polis.
