Despues di dia 1 di Mei, banco no lo acepta check mas. Si di berdad bo tin un check pa cobra, percura pa bin cobr’e pa dia 1 di Mei. Despues di dia 1 di Mei, banconan no lo paga check mas, vooral cu ta checknan personal.
Checknan comercial por keda wordo uza, esey te cu dia 1 di November. Esnan cu tin checkbooks yen ainda, percura pa skirbi nan den e dianan aki. Despues di e dia aki cu despues di e fecha aki, no lo reimburse. E polisa lo ta tambe cu no lo duna placa bek pa e checknan no uza. A bin ta notifica caba cu dia 1 di Mei lo ta e deadline pa aceptacion di check na Aruba pa loke ta clientenan priva. Tempo tabata tin suficiente. Pueblo di Aruba tabata bon informa y tabata tin campañanan riba social media cu a core. Tambe entrevistanan haci y duna, tambe den otro medionan tambe a notifica riba e fechanan ya menciona.
Registra na banco
Awor aki hendenan tin cu bay habri un cuenta di banco. Den futuro, unico manera cu por cobra un check di awo pa November, si ta acepta check di un cliente comercial, ta cu si bo tin un cuenta na banco. Lo bo no por cobra un check na ningun banco si bo no tin un cuenta. Esey ta bay ta e manera nobo di traha. Den un cierto sentido tambe pa e cliente tambe ta hopi bon cu e tin un cuenta di banco, ya cu e no mester cana cu hopi cash riba dje. Awendia, no ta asina safe mas. Ta bon pa bo tin bo placa na banco y ta bon pa cana cu bo debit of credit card como forma di pago e ora ey, sin cu core e riesgo cu bo tin hopi cash riba bo.
Algun cambio pa tene cuenta cun’e
Pierre Rafini a splica cu awor aki no lo bay tin nada nobo cu lo bay bin. Loke si cu ta bay man den man cu e descontinuacion di check ta cu banco Central ya caba ta trahando riba un sistema di pago mas modernisa, caminda cu a informa e banconan pa Januari lo bay over riba un sistema full automatisa di clearing. Es decir cu si awor aki, ora bo deposita un check na bo banco, cual ta un di e motibonan tambe cu hendenan ta bisa cu si deposita un check tin cu warda 3 pa 5 dia. Awo e transaccionnan lo bay dura den fraccion di seconde, ora bo transfer di un banco pa otro. Check no lo tey mas, pero si ora di transfer awor aki tambe, ta dura un of dos dia, e lo ta den fraccion di seconde. Awo un hende di paga cu un check, por coy un telefon, yena informacion, y si ta di banco pa otro, den fraccion di seconde ta haya sa si e placa ta riba cuenta. Esey ta duna un siguridad cu bo por duna e cliente e producto of servicio si tin miedo cu e placa no lo yega.
Clearance
Esaki ta e parti di modernisacion di pago. Na paisnan grandi hopi biaha por transfer di banco pa banco, e ta bay di biaha. Mientras cu na Aruba ta dura 24 of dos biaha 24 ora. E parti di modernisacion di pago ta un proyecto di Banco Central mes, pero e ta bin na un bon momento pasobra e ta bay yuda tambe cu como forma di pago mirando cu awor aki cu check lo ta elimina. E por duna esun cu ta paga y esun cu ta ricibi un garantia cu ora un transfer placa pa e otro, si esun no ta di e mesun banco, ta bay hopi lihe, atrobe den fraccion di seconde.
