Pelea y menaza pa arma riba Riverplate a spanta mayornan y mucha

RBC Mortgage Switch Campaign 2019
SETAR 3GB Free Data den February
i10 Sedan
Forensys
PPG Super Descuento

Diasabra den oranan di atardi basta mayor a pasa den un susto grandi riba e veld di River Plate. Nan a sinti nan mes insigur pa nan yiunan chikito hungando futbol riba e veld. Polisnan a ser yama pa bin pura pasobra tin un pelea entre dos grupo. Hasta a pidi Polisnan pa bay cu cautela pasobra tin arma den wega. Prome a papia cu arma blanco y hasta arma di candela a wordo menciona. Pesey mes e Polisnan a bay pura pero cu cautela.

Cambia, Spaar y Gana
Fabulous Carnival

Na yegada di Polis tur cos a caba. E bringadornan a disparce e momento ey caba. Asina mes Polisnan a papia cu algun hende presente cu a splica kico a sosode riba e veld. Muchanan cu ta biba cerca tambe a conta cu un di e guynan ta biba dos caya bay aden mas pariba di Riverplate. Kico ta nan problema no ta conoci. No ta prome biaha cu tin problema riba e veld causando panico mal ehempel y susto cerca e muchanan. Pesey mes ora cu e cos a pasa a mira cu e mayornan a cuminsa bandona e sitio mesora cu nan yiunan. E atardi a sera malo. Despues cu Polisnan a haya splicacion, tur cuater unidad cu a yega na e sitio a bandona e veld.

Lo ta bon pa e persona responsabel pone seguridad na e veld ora cu tin wega asina y garantiza seguridad. Si e cosnan aki keda ripiti, dificilmente mayornan lo laga nan yiunan bay hunga bala riba Riverplate. E problema no a caba eynan. Mas despues Polis a bay tambe den Paradijs caminda otronan a bay regla cuenta cu esnan cu a causa problema na Riverplate. Polis a scuchanan y bisanan mesora e caminda cu nan mester cana pa haci denuncia.

Comments

comments

Island Finance – Carnaval