Impact Taekwondo ta organisando su prome fundarising pa e aña aki

PPG Super Descuento
SETAR 3GB Free Data den February
i10 Sedan
RBC Mortgage Switch Campaign 2019

Impact Taekwondo ta organisando nan prome fundraising cu lo tuma luga na Excelencia Restaurant na Dakota. Esaki ta un fundraising pa e muchanan por haci nan biahenan den exterior pa haya un miho preparacion.

Fabulous Carnival
Cambia, Spaar y Gana

Segun Monica Pimentel, e prome fundraising lo ta un bendemento di lasagna, na balor di 15 florin, cual lo yuda recauda fondo.

Hobennan di Impact Taekwondo preparando pa competencia internacional tin mester di bo ayudo

Posted by 24ora on Saturday, February 9, 2019

Durante aña nan lo tin mas fundraising, pa asina yuda pusha e muchanan pa nan sigui bira mas miho y keda activo den e deporte cu nan ta gusta.

Diadomingo, esnan cu ta interesa pa cumpra lasagna, por tuma contacto cu nan riba facebook, Stichting Impact Taekwondo Aruba, of tambe por yama Monica mes na 5679341.

E lasagna ta solamente 15 florin. Ta gradici tur hende cu kier coopera y tur esnan cu ta bin yuda pa recauda fondo. Esaki ta algo sumamente importante pa e muchanan. Nan ta gusta haci deporte. Nan ta bin dedica nan tempo y cu un soño grandi di un yega na competi y representa Aruba den exterior.

Ya un di e atletanan Mayline Fradl, ta preparando pa bay competi na Santo Domingo Open, cual lo tuma luga otro luna. Esaki lo bay ta su prome preparacion pa loke ta un Panamericano Cadet cu lo tuma luga na Juni.

Mayline tin un trayectoria cu tin bon resultado na nivel nacional y kier push’e y sigui motiv’e pa e cumpli cu su soño, esta bringa den un Panamericano Cadet y e scol ta haciendo tur lo posibel pa logra cu esaki.

E scol riba su mes, ta activo den competencianan internacional. Ta sacando awo e miho atletanan infantil, tin bon resultado junior. E muchanan ta progresando, pa ta un aña activo.

A cuminsa cu 1 atleta y awo tin 11 atleta compitiendo na nivel nacional. Tin hopi di nan proyecta pa bay bringa e aña aki den Panamericano Junior y Cadet. Tin Worldchampionship Cadet, cual kier forma parti di esaki. Pa e proximo añanan tin un grupo infantil cu lo bira cadet. Nan ta completamente bezig. Kier mira pa aki algun aña cu e muchanan aki tin e soño pa bay den Olimpiada.

Pa join e scol por tuma contacto cu e scol, Stichting Impact Taekwondo, of por yama of tuma contacto via Whatsapp cu Monica Pimentel na celular 5679341.

E scol ta situa na Catiri, net prome cu Eumar, ta bira na man robez, si ta bayendo direccion Moko biniendo for di e rotonde di Tanki Leendert. Tin e borchi di Aruhiba, e caminda di santo bay aden. Tambe por wak riba e pagina di Facebook, y por mira riba Google maps.


Comments

comments

Island Finance – Carnaval