Ta nos tur hunto mester pone un man pa yuda nos hubentud, pasobra hubentud ta nos futuro di mañan. Nos ta cuminsa bisando cu tin algo cu hopi hoben no sa: Por ehempel bo ta bay solicita, y tur bo papelnan y bo estudio ta na ordo, pero ora a wak bo bida social riba facebook, cual e doño di trabao tin derecho di haci pa e sa ken e ta tuma den servicio e ta mira cu bo bida y expresion ta completamente for di liña di e persona cu e ta buscando. E doño di trabao a mira bo conducta,y e ta tuma e decision contrario na bo solicitud.
Den e buki di Prome Timoteo y Segundo Timoteo e apostel Pablo ta skirbi nan su yiu spiritual Timoteo, e ta remarca lo siguiente: Cu un hende su conducta lo determina te na unda e lo yega den su bida, pasobra cu mal conducta bo chens pa crece lo ta limita den tur cos. Pero si bo arepenti y aparta for di maldad, Dios lo yuda bo.
Timoteo 2 capitulo 3 versiculo 10 Pablo ta bolbe bisa: M’a abo a sigui mi Enseñansa ,Conducta, Proposito, Fe, Pasenshi, Amor, Perseverancia,
Si nos tuma bon nota e palabra conducta ta ripiti den tur dos carta, pasobra esey ta un yabi hopi importante den bida di tur hoben.
Timoteo 1 capitulo 4 versiculo 12 ta bisa: No laga ningun hende desprecia bo hubentud. Ma mas bien den palabra, conducta, amor, fe y puresa demostra bo mes di ta un ehempel pa esunnan cu ta kere.
Proverbionan Capitulo 20 versiculo 11 ta bisa: Te hasta un mucha ta conoci pa su hechonan si su Conducta ta puro y recto.
Ora bo conducta ta malo, no ta importa cu bo tin cen , propiedat, posicion, of bo ta bon studia , bo mal conducta ta daña tur e panorama di bo bida.
Den bo conducta ta sinta bo respet y bo dedicacion, y mas cu tur cos obedencia , temor di Dios y si bo ta somete na Su palabra.
Philipensenan capitulo 2 versiculo 5 ta bisa :Laga tin den boso e actitud aki cu tabatin tambe den Cristo Hesus.
Actitud di un hoben ta depende pa 80% e tipo di educacion cu e a ricibi na cas , hopi biaha nos ta cla pa papia malo di un hoben y no ta tene cuenta e tipo di educacion cu e hoben a ricibi na cas cerca su mayornan.
Tur locual un hende sembra e ta cosecha, e ta para skirbi den Efesionan capitulo 6 versiculo 1 te cu 4 locual Dios ta spera di e yiunan, y locual Dios ta spera di e mayornan.
Salmo 119 versiculo 105: Bo palabra ta un lampi pa mi pia,y un luz pa mi caminda .
Pablo ta hala atencion di Timoteo pa e encargo cu e ta dun’e, y ta splic’e cu su conducta, ta hopi importante, pasobra cu mal conducta ta imposibel pa bo por acerca hende.
Mayor awor ta keda na abo, pa yuda bo yiu traha riba su conducta.
