Perversidad ta pica, Perversidad ta nifica falta di respet sin limite, Perversidad ta produci tentacion y libertinahe , perversidad hasta ta produci violacion, adulterio, fornicacion, Perversidad ta un mal spirito.
Un boca perverso , y bistimento perverso, ta mal indentificacion pa un persona, caminda su karakter ta na peliger, y su integridad ta cay na suela, pasobra e mes ta pone hende pensa malo di dje, door di su forma di papia y bisti.
Tin un siñansa robes ta bay rond , pasobra e ta defende perversidad bisando:” Cu Dios no ta worry cu bo curpa of cara of con bo ta bisti e ta wak bo curason’’, Cu esey e enemigo ta indentifica su mes cu perversidad den bida di hende, cu nan por haci locual cu nan kier cu nan curpa.
Esey ta un gran mentira cu ta trastorna completa e bida karakter, integridad y personalidad di hende for di momento cu nan ta hoben y lo continua te ora nan arepenti y aparta di e pensamento ey,
Pasobra e berdadero palabra di Dios, mihor conoci como e doctrina sano ta siña nos; Of boso no sa cu boso curpa ta e tempel di Spirito Santo kende ta den boso, kende boso tin di Dios,y cu boso no ta pertenece na boso mes. Pasobra boso a wordo cumpra pa un preis, pesey glorifica Dios den boso curpa.( 1 Corintionan 6:19-20).
Nos curpa ta hopi importante pa Dios, e manera cu nos ta cuida nos curpa, e manera cu nos ta bisti, y tur locual ta sali for di boca, pasobra locual ta sali for di boca di hende ta sali for di curason di hende, y esey ora e ta negativo y vulgar e ta haci daño na prome lugar na bo mesun persona, y na otronan cu ta mira bo y scucha bo.
E importador di paña hopi biaha no ta bisti locual e ta importa,pasobra e ta importa perversidad, pasobra e spirito di perversidad a drenta fabrica cubri bao di e sombra di Moda, pa asina rebaha, y degenera yiu di hende, bisando cu ta nan mes ta gusta bisti asina, cu ta esey ta na Moda.
A yega tempo pa nos lanta for di soño y wak bon kico nos yuinan ta bisti y hopi biaha kico nos como mayor ta bisti, pasobra nos forma di bisti ta identifica nos karakter, of nos ta gaña nos mes cu e palabra Sexy, y asina cay den trampa di perversidad.Un hende decente no ta bende su curpa, ma e ta balora su curpa, y nos mester siña e hubentud esaki urgentemente.
No bisti paña cu bo ta kere ta bunita, pero alcontrario ta degenera bo mes como hende, y pone hende pensa kico cu nan kier di bo persona, y hasta referi na bo persona den un forma no adecua.
Tin hopi cantica awendia cu no ta balora e ser femenino ( Hende Muher) nan ta wordo composita cu palabranan perverso, instruyendo pasion sexual, cu ta lanta e carni di e hende, pero ta rebaha e personalidad di hende.
Boso no sa cu boso ta e tempel di Dios, y cu e Spirito di Dios ta biba den boso.Si un hende destrui e tempel di Dios, Dios lo destrui e, pasobra e tempel di Dios ta santo, y esey ta loke boso ta.( 1Corintionan 3:16-17).
Pa un hende por scapa di e perversidad di mundo aki, e mester entrega su bida na Cristo Hesus, y biba segun e palabra di Dios, pa asina su pasonan lo wordo dirigi pa Señor.
Sinceramente, Pastor Marcel Balootje.
