Lito Lacle, vocero di polis a duna un resumen di loke ta pa aña 2019. Pa loke ta trafico, e cifranan di morto den trafico ta en total te awor aki 8 morto. Si parti’e, e ta bira 3 pa peaton, 2 ta motociclista, 2 no a duna preferencia y un persona cu a dal na e rotonde di Superfood. 

Si mira accidente, ta 8 mil accidente pa aña y 12 mil vehiculo ta envolvi. Si parti’e den luna, departamento di trafico ta handle por lo menos 666 accident den trafico.

Lito Lacle: Tin mas cu 600 accidente ta sosode pa luna

Lito Lacle: Tin mas cu 600 accidente ta sosode pa lunahttps://24ora.tv/2PO8Dh9

Posted by 24ora on Saturday, December 14, 2019

Roadservice

Antes por a nota antes cu polis, ora e yega na un accidente, e ta marca tras di e tire y ta marca e number di auto cu krijt y despues kita e auto. Awendia Roadservice ta haciendo algo cu ta stroba trafico. Segun Lacle, ta feedbacknan cu nan ta haya. Tin cu papia cu e departamento di trafico y roadservice den e caso aki.

Segun vocero di polis, e parti positivo di roadservice ta, cu nan ta bay mas extenso cu nan cifranan. Si wak bon, 60% den trafico ta achterop aanrijding. No pone atencion y dal tras di otro auto. No sa si esey tin di haber cu uzo di celular, pasobra no ta yega asina leu den investigacion.

Si wak bon, un dalmento mayoria biaha ta algo civil. No ta algo penal, te ora cu un hende bao di influencia di alcohol, ta envolvi den un dalmento, hende herida of morto, eynan tin un investigacion. Pero por lo general, ta traha un rapport di cada dalmento.

Casonan di influencia di alcohol

No ta mucho dia pasa, tabata tin dos caso cu a causa un polemica. Tabata tin aresto di un persona, drumi den su auto banda di caminda y otro cu a wordo hiba cas, bao di influencia, pa un agente policial, manehando su auto.

E cos aki a trece un controversia. Segun Lacle, hopi biaha ta kere cu polis ta hiba un persona cera. Ora cu mira dagrapport di e hendenan cu ta bao di influencia di alcohol, ta castigabel pa ley.

Loke ta haci hopi biaha toch ta hiba e personanan aki cas. No ta bay over na duna nan un cuarto gratis. Pero ta keda e prerogativa di e colega kico ta haci cun’e. No ta tur ora tin cel disponibel, no ta tur ora tin un subfiscal disponibel pa por cera e personanan aki.

Ley ta papia di ta riba un caminda publico bao di influencia di alcohol. Si ta manehando e ta cay bao di leynan di trafico. Pero si ta canando por ehempel riba caminda of ta sinta den auto riba caminda publico, e ta castigabel e ora.

Inbraak

Tin di compronde di Team Woning en inbraak, toch el a baha basta hopi. Dicon nan ta kere ta cu mayoria di e sospechosonan cual ta recidivistanan cu durante tempo ta horta tur caminda, a haya e biaha aki un castigo mas largo di loke ta normal, cual ta averahe. Y toch e ta mustra den e cifranan.

Mayoria hende den woning en inbraak ta Arubiano. 90% ta Arubiano ta bezig ta cometiendo e delito aki.

Edad y origen di sospechosonan

E ultimo cifranan cu a wak, e edad ta cuminsa na 13 y ta yega te 60 aña. No tin un edad fiho cu ta comete kiebro den cas.

Estado social

Hopi biaha e tipo di delitonan asina tin di haber cu uzo di droga. Esey ta loke ta resalta, segun Lacle.

Comments

comments