Diahuebs, bispo di Pasco, a detene un homber a menasa su famia. E famia Peterson a entrega keho contra e homber aki, debi na e menasa cu el a haci. Fiscal a duna polis ordo pa bay busca e homber y deten’e.
E homber aki ta un conoci di husticia caba, door di ta un persona “vuurwapen gevaarlijk,” kende ta peligroso. Polis tabata enbuskeda p’e persona aki, pero bispo di Pasco den oranan di mainta a bin logra pone man riba dje na un adres den Savaneta. Di biaha a bay over na detene e persona aki y hib’e Warda di San Nicolas p’e presenta dilanti subfiscal.
E subfiscal a tuma e decision di prolonga su detencion y despues a transport’e pa warda di Santa Cruz, unda e lo habri Pasco
cera.
