Otro siman, dia 9 di Augustus, lo biaha un delegación di Aruba pa Panama.
Nan lo sali for di Aruba cu Copa Airlines pa 1:11pm di merdia.
Aruba lo participa den un torneo di ahedres pa nos hobennan.
Aruba lo ta representa den varios categoría. Den grupo U-8, Aruba lo ta representa door di hobencita Sylvi Cabral di 6 anja. (Pa promer biaha Aruba ta manda un representante den U-8 pa exterior).
Den categoría U-12 Femenino, Aruba lo manda Lesley Cielo y Samantha Sagastegui.
Tur dos a score masha bon mes e anja aki, den nan categoría.
Den categoría U-14 absoluto, Aruba ta wordo representa door di 4 hungador. Nan ta Ilya Stetsenko, Ayden Dirks, Ethan Croeze y Kyell-Jean Antonio. Tur ta hobennan cu den pasado a representa Aruba den U-12, pero awor a bira mucho mas mihor y ta participando den U-14.
Y por ultimo Aruba tin den categoría U-16 2 representante. Brian Diaz y Eldrick Donata. Brian a participa ya den varios torneo den exterior y tin hopi experiencia, mientras Eldrick tin algún anja cu no tawata participa, pero awor ta full den e actividadnan di ahedres atrobe.
Hunto cu nan, lo biaha coach/entrendador Raymundo Dijkhoff, y como líder di delegación lo biaha Octavio Croes. Tin varios mayornan y familiares ta biahando hunto cu e muchanan. Algun lo sali algún dia promer.
E delegación completo ta 23 persona.
E promer rond lo wordo hunga diahuebs dia 10 di Augustus pa 9:00 di mainta.
Y e ultimo rond diamars dia 15 di Augustus.
E delegación lo regresa Aruba dia 16 di Augustus. Por sigui e resultado di e weganan na e
website http://chess-results.com/fed.aspx?lan=1&fed=PAN.
Nos ta desea e delegación di Aruba tur clase di éxito aya na Panama.
